പാവറട്ടി: കുടംബം സഞ്ചരിച്ച ഒാേട്ടാറിക്ഷ പുഴയിലേക്ക് വീണു. വെന്മെനാട് കോന്നൻ ബസാർ പുഴയിൽ ശനിയാഴ്ച ഉച്ചക്ക് 12നാണ് സംഭവം. വേലിയിറക്കമായതിനാൽ പുഴയിൽ വെള്ളം കുറവായതും ഒാേട്ടാ ചരിയാതിരുന്നതും മൂലം ദുരന്തം ഒഴിവായി. പാടൂർ സ്വദേശിയായ ഡ്രൈവർക്ക് പുറമെ പാടൂർ പേലി വീട്ടിൽ വേലായുധൻ (65), ഭാര്യ ലീല (55), മകൾ വിനിത (24) എന്നിവരാണ് ഒാേട്ടായിലുണ്ടായിരുന്നത്. ലീലയുടെ കൈക്ക് നിസ്സാര പരിക്കുണ്ട്. ഒാടിയെത്തിയ നാട്ടുകാർ ഇവരെ രക്ഷിക്കുകയായിരുന്നു. ഒാേട്ടായും കരക്ക് കയറ്റി. കോന്നൻബസാർ പുഴയരികിലെ തകർന്ന റോഡിലൂടെ ബന്ധുവിെൻറ വീട്ടിലേക്ക് പോവുകയായിരുന്നു കുടുംബം. പുഴയിലേക്ക് ചരിഞ്ഞ നിലയിൽ റോഡ് തകർന്ന് കിടക്കുകയാണ്. നിരവധി തവണ അധികൃതരോട് പരാതി പറഞ്ഞിട്ടും റോഡ് നന്നാക്കാൻ നടപടി എടുത്തില്ലെന്ന് നാട്ടുകാർ പറയുന്നു. കഴിഞ്ഞ ദിവസം ഇവിടെ നാട്ടുകാർ അപകട മുന്നറിയിപ്പ് ബോർഡ് സ്ഥാപിച്ചിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.