കെ.എസ്.ആർ.ടി.സി ബസ് കുഴിയിൽ കുടുങ്ങി; ചുരത്തിൽ മണിക്കൂറുകളോളം ഗതാഗതസ്തംഭനം പുതുപ്പാടി: ചുരത്തിൽ കെ.എസ്.ആർ.ടി.സി വോൾവോ ബസ് കുഴിയിൽ കുടുങ്ങി ഗതാഗതം പൂർണമായും തടസ്സപ്പെട്ടു. ബംഗളൂരുവിൽനിന്നും തിരുവനന്തപുരത്തിന് പോവുകയായിരുന്ന ബസ് തിങ്കളാഴ്ച രാത്രി എട്ടുമണിയോടെ ഏഴാംവളവിൽ റോഡിനു നടുവിലായുള്ള വലിയ കുഴികളിലാണ് കുടുങ്ങിയത്. ബസിെൻറ മുൻഭാഗവും പിൻഭാഗവും റോഡിൽ തട്ടിയ നിലയിലാണ്. ചുരം സംരക്ഷണ സമിതി പ്രവർത്തകരും നാട്ടുകാരും താമരശ്ശേരി ട്രാഫിക് പൊലീസും ചേർന്ന് തള്ളിനീക്കാൻ ശ്രമിച്ചെങ്കിലും പരാജയപ്പെട്ടു. രാത്രി 10 മണി കഴിഞ്ഞിട്ടും ബസ് റോഡിൽനിന്ന് നീക്കാനായില്ല. നിരവധി വാഹനങ്ങൾ ചുരത്തിൽ കുടുങ്ങി. ബസ് നീക്കാൻ താമരശ്ശേരി ഡിപ്പോയിൽനിന്ന് കൊണ്ടുവന്ന െക്രയിൻ മൂന്നോട്ട് നീങ്ങാനാകാതെ രണ്ടാം വളവിൽ ഗതാഗതക്കുരുക്കിൽ കുടുങ്ങിക്കിടക്കുകയാണ്. രാത്രി വൈകിയും ചുരത്തിൽ ഗതാഗത സ്തംഭനം തുടരുകയാണ്. photo TSY Churathil Kudunghiya Bus ചുരത്തിൽ ഏഴാംവളവിൽ കെ.എസ്.ആർ.ടി.സി വോൾവോ ബസ് കുഴിയിൽ കുടുങ്ങിയ നിലയിൽ
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.