കോഴിക്കോട്: തൊഴിൽസംരംഭക സ്ഥാപനമായ എൻ.ഐ.ഐ.ടിയുടെ കീഴിൽ ശനിയാഴ്ച സൗജന്യ തൊഴിൽമേള നടത്തുമെന്ന് സംഘാടകർ വാർത്തസമ്മേളനത്തിൽ അറിയിച്ചു. രാവിലെ ഒമ്പതുമുതൽ കോഴിക്കോട് ഐ.എച്ച്.ആർ.ഡി കോളജിലാണ് മേള. ഐ.ടി, ഫിനാൻസ്, ബി.പി.ഒ, മാനേജ്മെൻറ് മേഖലകളിൽ തൊഴിൽ ആഗ്രഹിക്കുന്നവർക്ക് പങ്കെടുക്കാം. 15 പ്രമുഖ കമ്പനികളാണ് മേളയിൽ പങ്കെടുക്കുന്നത്. www.jobfaircalicut.com എന്ന വെബ്സൈറ്റിൽ ഉദ്യോഗാർഥികൾ രജിസ്റ്റർ ചെയ്യണം. ടി.വി പ്രശാന്ത്, വി. മുഹമ്മദ് അസ്ലം എന്നിവർ വാർത്തസമ്മേളനത്തിൽ പങ്കെടുത്തു. നഴ്സുമാരുടെ സമരം ഒത്തുതീർപ്പാക്കാൻ സർക്കാർ ഇടപെടണം കോഴിക്കോട്: സംസ്ഥാനത്തെ സ്വകാര്യ നഴ്സുമാർ നടത്തിവരുന്ന സമരം ഒത്തുതീർപ്പാക്കാനും അവർക്ക് മെച്ചപ്പെട്ട ശമ്പളം നൽകാനും സർക്കാർ മുന്നിട്ടിറങ്ങണമെന്ന് ലോക്ജനശക്തി പാർട്ടി സംസ്ഥാന ഭാരവാഹികൾ വാർത്തസമ്മേളനത്തിൽ ആവശ്യപ്പെട്ടു. ഭിന്നലിംഗക്കാരെ പുനരധിവസിപ്പിക്കാനും അവരുടെ അവകാശങ്ങൾ നേടിയെടുക്കുന്നതിനും ദലിത്, പിന്നാക്ക സമുദായങ്ങളുടെ ജീവിതനിലവാരം ഉയർത്തുന്നതിനുമായി കേന്ദ്രം അവതരിപ്പിച്ച പദ്ധതികൾ എല്ലാവരിലേക്കും എത്തിക്കുന്നതിനും സംസ്ഥാന സർക്കാർ മുന്നിട്ടിറങ്ങണമെന്നും ഇവർ ആവശ്യപ്പെട്ടു. സംസ്ഥാന ജന.സെക്രട്ടറി മുഹമ്മദ് ഇഖ്ബാൽ ഖാൻ, ഓർഗനൈസിങ് ജന.സെക്രട്ടറി ബിജു മേലാറ്റൂർ, ജില്ല ഭാരവാഹികളായ പി.അബ്ദുൽ മജീദ്, എ.സി. മോഹൻ, സാലി എന്നിവർ വാർത്തസമ്മേളനത്തിൽ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.