must മിഠായിതെരുവിൽ ഗതാഗത നിയന്ത്രണം ജനുവരി മൂന്നു മുതൽ കോഴിക്കോട്: നവീകരിച്ച മിഠായിതെരുവിൽ രാവിലെ 10 മുതൽ രാത്രി 10വരെ വാഹന ഗതാഗതം പൂർണമായി നിരോധിക്കാൻ ട്രാഫിക് റഗുലേറ്ററി കമ്മിറ്റി തീരുമാനിച്ചു. നേരത്തേ നഗരസഭ കൗൺസിലെടുത്ത തീരുമാനം കമ്മിറ്റി അംഗീകരിക്കുകയായിരുന്നു. മേയറുടെ ചേംബറിൽ ചേർന്ന യോഗത്തിൽ കമ്മിറ്റി ചെയർമാൻ കൂടിയായ മേയർ തോട്ടത്തിൽ രവീന്ദ്രൻ അധ്യക്ഷത വഹിച്ചു. ജില്ല കലക്ടർ യു.വി. ജോസ് പങ്കെടുത്തു. ജനുവരി മൂന്ന് മുതൽ നിരോധനം പ്രാബല്യത്തിൽവരും. ക്രിസ്മസ്- പുതുവത്സരാഘോഷം പ്രമാണിച്ച് ജനുവരി രണ്ടുവരെ നിരോധനം നിലവിലുണ്ട്. രാത്രി 10 മുതൽ രാവിലെ 10 വരെ ലൈറ്റ് വാഹനങ്ങൾക്ക് പ്രവേശനം അനുവദിക്കും. ഹെവി ഡ്യൂട്ടി വാഹനങ്ങളുടെ ഗതാഗതം പൂർണമായി ഒഴിവാക്കിയിട്ടുണ്ട്. കോർട്ട് റോഡിലും എം.പി. റോഡിലും ഏർപ്പെടുത്തിയ വൺവേ സംവിധാനം ഒഴിവാക്കാനും തീരുമാനിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.