നാദാപുരം: പുറമേരിയില് നടക്കുന്ന 33ാമത് സംസ്ഥാന യൂത്ത് വോളിബാള് ചാമ്പ്യന്ഷിപ്പിെൻറ സെമിഫൈനൽ മത്സരങ്ങൾ ബുധനാഴ്ച തുടങ്ങും. വനിത വിഭാഗത്തിൽ വയനാട്, കോട്ടയം, കണ്ണൂർ തൃശൂർ ടീമുകളും പുരുഷ വിഭാഗത്തിൽ മലപ്പുറം, എറണാകുളം ടീമുകള് സെമിയില് കടന്നു. വനിത വിഭാഗത്തില് വയനാട് നേരിട്ടുള്ള സെറ്റുകള്ക്ക് ആതിഥേയരായ കോഴിക്കോടിനെ പരാജയപ്പെടുത്തി (25--17,25-15,25-21). രണ്ടാമത്തെ മത്സരത്തില് കോട്ടയം രണ്ടിനെതിരെ മൂന്ന് സെറ്റുകള്ക്ക് എറണാകുളത്തെ തോല്പിച്ചു. ആദ്യ രണ്ട് സെറ്റുകള് കീഴടങ്ങിയ ശേഷമാണ് കോട്ടയം തുടര്ച്ചയായ മൂന്നു സെറ്റുകള് നേടി വിജയിച്ചത് (25-21, 25-23, 18-25,14-25,8--15). തിങ്കളാഴ്ച നടന്ന ആദ്യ വനിത വിഭാഗം മത്സരത്തിൽ തൃശൂർ തിരുവനന്തപുരത്തെ നേരിട്ടുള്ള സെറ്റുകൾക്ക് പരാജയപ്പെടുത്തി (25--19, 25--13, 25-22). ചൊവ്വാഴ്ച നടന്ന വനിത വിഭാഗം മത്സരങ്ങളിൽ കണ്ണൂർ മലപ്പുറത്തെ തോൽപിച്ചു (25-17, 25-18, 20--25, 25-15). മറ്റൊരു മത്സത്തിൽ തൃശൂർ തിരുവനന്തപുരത്തെ തോൽപിച്ചു (25-19, 25--13, 25--12). പുരുഷ വിഭാഗം ആദ്യ ക്വാര്ട്ടര് ഫൈനല് മത്സരത്തില് മലപ്പുറവും, കണ്ണൂരും തമ്മിലുള്ള അഞ്ച് സെറ്റ് നീണ്ടുനിന്ന ഇഞ്ചോടിഞ്ച് പോരാട്ടമായിരുന്നു. കണ്ണൂരിനെ തോല്പിച്ച് മലപ്പുറം സെമിയില് പ്രവേശിച്ചു (21--25, 25-18, 22--25, 26-24, 15-6). രണ്ടാം മത്സരത്തില് എറണാകുളം നേരിട്ടുള്ള സെറ്റുകള്ക്ക് കൊല്ലം ടീമിനെ പരാജയപ്പെടുത്തി (25--19, 25-20, 25-19).
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.