'പട്ടികജാതി-വർഗക്കാരുടെ വായ്പകൾ എഴുതിത്തള്ളണം' കോഴിക്കോട്: പട്ടികജാതി-പട്ടികവര്ഗക്കാരുടെ വായ്പകള് എഴുതി ത്തള്ളാന് സര്ക്കാർ തയാറാവണമെന്ന് സംസ്ഥാന എസ്.സി, എസ്.ടി ലോണ് ഹോള്ഡേഴ്സ് വെല്ഫെയര് അസോസിയേഷന് ഭാരവാഹികള് വാർത്തസമ്മേളനത്തില് ആവശ്യപ്പെട്ടു. കിടപ്പാടം വരെ പണയപ്പെടുത്തി എടുത്ത തുച്ഛമായ ലോണ് തിരിച്ചടക്കാന് പറ്റാത്ത സാഹചര്യം കാരണം പലിശയും കൂട്ടുപലിശയും ചേര്ത്ത് ജപ്തി ഭീഷണി നേരിട്ടുകൊണ്ടിരിക്കുകയാണ് പലരും. ഈ സാഹചര്യത്തില് ജപ്തി നടപടികള് നിര്ത്തിവെച്ച് വായ്പകള് എഴുതിത്തള്ളാന് സര്ക്കാര് നിയമ നടപടി സ്വീകരിക്കണമെന്നാവശ്യപ്പെട്ട് അസോസിയേഷന് നിയമ നടപടികളിലേക്കും പ്രക്ഷോഭത്തിലേക്കും ഇറങ്ങുമെന്ന് ഭാരവാഹികള് പറഞ്ഞു. ഇതിെൻറ ഭാഗമായി നിയമസഭസമ്മേളനത്തിെൻറ തുടക്കം മുതല് അവസാനംവരെ നിയമസഭക്ക് മുന്നില് വ്യത്യസ്തസമരങ്ങളുമായി മുന്നോട്ടുപോകുമെന്നും ഭാരവാഹികള് അറിയിച്ചു. വാർത്ത സമ്മേളനത്തില് രാമദാസ് വേങ്ങേരി, ടി.വി.ബാലന് പുല്ലാളൂര്, പ്രകാശന് പടിഞ്ഞാറ്റുംമുറ്റി, രാജന് പാലത്ത്, വിജയ പോലൂര് എന്നിവര് പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.