മേപ്പയൂർ: മേപ്പയൂർ വൊക്കേഷനൽ ഹയർസെക്കൻഡറി സ്കൂളിൽ വിദ്യാർഥിനിയെ അധ്യാപകൻ ലൈംഗികമായി പീഡിപ്പിച്ച കേസിൽ തുടർനടപടികൾ സ്വീകരിക്കണമെന്നാവശ്യപ്പെട്ട് എസ്.എഫ്.ഐ ഏരിയ കമ്മിറ്റിയുടെ നേതൃത്വത്തിൽ വിദ്യാർഥികളിൽനിന്ന് ഒപ്പുശേഖരിച്ചു. ബാലാവകാശ കമീഷൻ സ്കൂളിൽ നേരിട്ടെത്തി വിദ്യാർഥികളിൽനിന്ന് തെളിവെടുക്കുക, കുറ്റക്കാരനെ സഹായിച്ച അധ്യാപകർക്കെതിരെ നടപടിയെടുക്കുക എന്നീ ആവശ്യങ്ങളുന്നയിച്ച് എസ്.എഫ്.ഐ സ്കൂൾ പരിസരത്ത് ജാഗ്രത സദസ്സ് നടത്തി. എസ്.എഫ്.ഐ സംസ്ഥാന കമ്മിറ്റിയംഗം എ.കെ. ബിജിത്ത് ഉദ്ഘാടനം ചെയ്തു. ഏരിയ പ്രസിഡൻറ് പ്രണവ് സുരേന്ദ്രൻ അധ്യക്ഷത വഹിച്ചു. ജില്ല വൈസ് പ്രസിഡൻറ് വർണ, അഞ്ജു, കെ.വി. അനുരാഗ്, അർജുൻ മോഹൻ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.