കോഴിക്കോട്: റിപ്പബ്ലിക് ദിനാഘോഷങ്ങളുടെ ഭാഗമായി നെഹ്റു യുവകേന്ദ്ര സംഘടിപ്പിച്ച പ്രസംഗമത്സരത്തിൽ ജില്ലയിൽ ഈസ്റ്റ് ഹിൽ സ്വദേശി അമൃത രാജിന് ഒന്നാംസ്ഥാനം. ഖദീജ നസ്രിൻ ഹാരിഷ് രണ്ടാം സ്ഥാനവും ആർ. ഷിഫാലി മൂന്നാം സ്ഥാനവും കരസ്ഥമാക്കി. ജില്ല കലക്ടർ യു.വി. ജോസ് കാഷ് അവാർഡും സർട്ടിഫിക്കറ്റുകളും വിതരണം ചെയ്തു. നെഹ്റു യുവകേന്ദ്ര ജില്ല യൂത്ത് കോ-ഓഡിനേറ്റർ എം. അനിൽകുമാർ അധ്യക്ഷത വഹിച്ചു. കാലിക്കറ്റ് സർവകലാശാല മുൻ രജിസ്ട്രാർ പ്രഫ. ടി.കെ. ഉമ്മർ, ഡോ. ആർ. സുരേന്ദ്രൻ, പബ്ലിക് റിലേഷൻസ് വകുപ്പ് അസിസ്റ്റൻറ് എഡിറ്റർ കെ. മുഹമ്മദ്, പി. ജയപ്രകാശ്, ഇ. സഹീൽ എന്നിവർ സംസാരിച്ചു. 22ന് തൊടുപുഴയിൽ നടക്കുന്ന സംസ്ഥാനതല മത്സരത്തിൽ ജില്ലയെ പ്രതിനിധീകരിച്ച് അമൃത രാജ് പങ്കെടുക്കുമെന്ന് ജില്ല യൂത്ത് കോഓഡിനേറ്റർ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.