തിരുവമ്പാടി: പുന്നക്കൽ അങ്ങാടിയിലെ കെ.എസ്.ഇ.ബി ട്രാൻസ്ഫോമർ അപകടഭീഷണിയുണ്ടാക്കുന്നു. ട്രാൻസ്ഫോമറിൽ കുട്ടികൾക്ക് പോലും കൈെയത്താവുന്ന വിധം താഴ്ത്തിയാണ് ഫ്യൂസുകളും അനുബന്ധവയറുകളും സ്ഥാപിച്ചിരിക്കുന്നത്. ഇത് അപകടം ഉണ്ടാക്കുമെന്ന് നാട്ടുകാർ ചൂണ്ടിക്കാണിക്കുന്നു. ട്രാൻസ്ഫോമറിലെ ഫ്യൂസുകൾ നിശ്ചിതഉയരത്തിൽ മാറ്റിസ്ഥാപിച്ച് അപകട ഭീഷണി ഒഴിവാക്കണമെന്ന് നാട്ടുകാർ ആവശ്യപ്പെട്ടു. വോളി മേള: സംഘാടക സമിതി തിരുവമ്പാടി: പുല്ലൂരാംപാറയിൽ ജനകീയ കൂട്ടായ്മ സംഘടിപ്പിക്കുന്ന ജില്ലാതല വോളിബാൾ മേളയുടെ സംഘാടക സമിതി രൂപവത്കരിച്ചു. ജനുവരി 5, 6, 7 തീയതികളിലാണ് മേള. സംഘാടകസമിതി ഭാരവാഹികൾ: എം.കെ. മുഹമ്മദ് (ചെയർ.), കെ.പി. നിയാസ് (കൺ.), കെ.പി. ബിജോ (ട്രഷ.). മനുഷ്യാവകാശ സെമിനാർ തിരുവമ്പാടി: തമ്പലമണ്ണ സൗപർണിക പബ്ലിക്ക് ലൈബ്രറി മനുഷ്യാവകാശ സെമിനാർ നടത്തി. ലൈബ്രറി കൗൺസിൽ അംഗം ജോമോൻ ലൂക്കോസ് ഉദ്ഘാടനം ചെയ്തു. ഇ.കെ. നരേന്ദ്രൻ അധ്യക്ഷത വഹിച്ചു. സാലസ് മാത്യു, പി.എ. സുനിൽകുമാർ, സജി ലൂക്കോസ്, പി.കെ. സജിത്ത് എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.