മൊകവൂർ: വേങ്ങേരി-പൂളാടിക്കുന്ന് ബൈപാസിൽ മൊകവൂരിൽ ഒാടയിലേക്ക് കക്കൂസ് മാലിന്യം തള്ളി. വ്യാഴാഴ്ച അർധരാത്രിയോടെയാണ് മൊകവൂർ ജങ്ഷന് സമീപത്തെ ബൈപാസിെൻറ അടിപ്പാതയായി ഉപയോഗിക്കുന്ന ഒാടയിലേക്ക് സാമൂഹികദ്രോഹികൾ മാലിന്യം തള്ളിയത്. ഒാടയുെട ഇരുഭാഗങ്ങളിൽനിന്നുമായി മാലിന്യം തള്ളിയതിനാൽ ബൈപാസിനടിയിലെ ഒാടയിൽ മാലിന്യം കെട്ടിക്കിടന്ന് ദുർഗന്ധം വമിക്കുകയാണ്. വലിയ വാഹനത്തിൽ കൊണ്ടുവന്നാണ് മാലിന്യം തള്ളിയിരിക്കുന്നത്. വാർഡ് കൗൺസിലർ എൻ.പി. പത്മനാഭൻ വിവരമറിയിച്ചതിനെ തുടർന്ന് കോർപറേഷനിലെ ആരോഗ്യവകുപ്പ് ഉദ്യോഗസ്ഥരെത്തി ക്ലോറിൻ വിതറിയിട്ടുണ്ടെങ്കിലും ദുർഗന്ധം വമിക്കുകയാണ്. മാലിന്യം തള്ളിയ ഭാഗത്തിന് സമീപം പലതവണ കക്കൂസ് മാലിന്യം തള്ളിയിരുന്നു. റെസിഡൻറ്സ് അസോസിയേഷൻ കാമറ സ്ഥാപിച്ചതോടെ ആ ഭാഗത്ത് മാലിന്യം തള്ളുന്നത് ഒഴിവായിരുന്നു. പരാതിയുടെ അടിസ്ഥാനത്തിൽ എലത്തൂർ എസ്.െഎ എസ്. അരുൺപ്രസാദിെൻറ നേതൃത്വത്തിൽ പൊലീസ് സ്ഥലത്തെത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.