പന്തീരാങ്കാവ്: മഴയിൽ മണ്ണിടിഞ്ഞ് വീടിന് ഭാഗികമായി നാശം. വീട്ടിലുണ്ടായിരുന്ന രണ്ടു പേർക്ക് പരിക്കേറ്റു. സമീപത്തെ കുന്ന് ഇടിഞ്ഞ് പന്തീരാങ്കാവ് കുണ്ടാത്തറ മേത്തൽ സുരേഷിെൻറ വീടിനാണ് നാശം സംഭവിച്ചത്. ചൊവ്വാഴ്ച രാവിലെയായിരുന്നു സംഭവം. കനത്ത മഴയിൽ ഉരുളങ്കല്ലും മണ്ണും ഇടിഞ്ഞുവീണ് വീടിെൻറ ഒരു വശം തകർന്നിട്ടുണ്ട്. ജനലിെൻറ ഗ്ലാസ് തകർന്ന് വീട്ടിലുണ്ടായിരുന്ന സുരേഷിനും പ്രസീതക്കും പരിക്കേറ്റു. അപകടസാധ്യതയുള്ളതിനാൽ കല്ലും മണ്ണും നീക്കം ചെയ്യാനായിട്ടില്ല. സമീപത്തെ മറ്റ് രണ്ട് വീടുകൾകൂടി ഭീഷണിയിലാണ്. തകർന്ന വീട് പന്തീരാങ്കാവ് വില്ലേജ് ഒാഫിസർ അനിൽകുമാർ, ജയപ്രകാശൻ വാർഡ് മെംബർ എ. ഷീന എന്നിവർ സന്ദർശിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.