ഓണം--ബക്രീദ് ആഘോഷം കോഴിക്കോട്: പുതിയങ്ങാടി അൽഹറമൈൻ സ്കൂളിൽ ഓണം-ബക്രീദ് പരിപാടികൾ നടന്നു. സ്കൂൾ അയൽവാസികളെയും പൂർവവിദ്യാർഥികളെയും പങ്കെടുപ്പിച്ചുള്ള പരിപാടിയിൽ 'നാം മനുഷ്യർ നാമൊന്ന്' എന്ന സന്ദേശം പങ്കുവെച്ചു. കൗൺസിലർ എം. ശ്രീജ ഉദ്ഘാടനം ചെയ്തു. അധ്യക്ഷത വഹിച്ച സ്കൂൾ മാനേജ്മെൻറ് സെക്രട്ടറി ടി.കെ. ഹുസൈൻ ഓണം-ഈദ് സന്ദേശം നൽകി. എയർ ഈസ്റ്റ് റെസിഡൻറ്സ് അസോസിയേഷൻ പ്രസിഡൻറ് പത്മരാജൻ, എയർ ലാൻഡ് റെസിഡൻറ്സ് അസോസിയേഷൻ സെക്രട്ടറി സഹ്റത്, പി.ടി.എ പ്രസിഡൻറ് ശംസുദ്ദീൻ, പ്രോഗ്രാം കൺവീനർ ഉമ, അസി. മാനേജർ എ.എം. അബൂബക്കർ തുടങ്ങിയവർ സംസാരിച്ചു. പുഷ്പ ഓണപ്പാട്ട് ആലപിച്ചു. പ്രിൻസിപ്പൽ ടി.എം. സഫിയ സ്വാഗതവും ഹെഡ് ഗേൾ ഹന്ന സദഖ് നന്ദിയും പറഞ്ഞു. വടംവലി, ഉറിയടി, പാചകമത്സരം തുടങ്ങി വ്യത്യസ്ത മത്സരപരിപാടികളും ഓണസദ്യയും പായസവിതരണവും നടന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.