കോഴിക്കോട്: സപ്ലൈകോ കോഴിക്കോട് റീജനൽ മാനേജർ വി.വി. സുനിലയെ അന്യായമായി സസ്പെൻഡ് ചെയ്ത നടപടിയിൽ റീജനൽ ഓഫിസിലെ ജീവനക്കാരുടെ സംയുക്ത യോഗം പ്രതിഷേധിച്ചു. സപ്ലൈകോയുടെ കാസർകോട് ജില്ലതല ഓണം-ബക്രീദ് മേളക്ക് ആളൊഴിഞ്ഞ സ്ഥലം കണ്ടെത്തിയെന്ന് ചൂണ്ടിക്കാട്ടിയാണ് വി.വി. സുനിലയെ സസ്പെൻഡ് ചെയ്തത്. സപ്ലൈകോയുടെ എല്ലാ ജില്ലതല ഓണം-ബക്രീദ് മേളക്കുമുന്നിലും വ്യാഴാഴ്ച രാവിലെ 10ന് ജീവനക്കാരുടെ പ്രതിഷേധധർണ നടത്താൻ യോഗത്തിൽ തീരുമാനിച്ചു. വിവിധ ട്രേഡ് യൂനിയൻ നേതാക്കൾ പ്രതിഷേധത്തിൽ പങ്കെടുക്കും. റഷീദ് മുത്തുക്കണ്ടി അധ്യക്ഷത വഹിച്ചു. കെ. രാജീവ്, പി.വി. രമേശൻ, പി. രാജേന്ദ്രൻ, കെ. സദാനന്ദൻ, ടി. നസറുദ്ദീൻ, കെ. മനോജ്കുമാർ, സി. ശശി, അനിൽകുമാർ വടകര, എൻ.വി. സുഷമ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.