കേന്ദ്ര--കേരള സർക്കാറുകൾ പ്രവാസികളെ േദ്രാഹിക്കുന്നു -കെ.പി.എ. മജീദ് കോഴിക്കോട്: പ്രവാസി സമൂഹം നേരിടുന്ന അടിയന്തര വിഷയങ്ങൾ പരിഹരിക്കണമെന്നാവശ്യപ്പെട്ട് കേരള പ്രവാസി ലീഗ് ജില്ല കലക്ടറേറ്റ് മാർച്ചും ധർണയും നടത്തി. പ്രവാസി പുനരധിവാസം നടപ്പാക്കുക, പ്രവാസി ക്ഷേമനിധി പരിഷ്കരിക്കുക, പ്രവാസിനയം രൂപവത്കരിക്കുക, നോർക്കയിൽ കെട്ടിക്കിടക്കുന്ന പ്രവാസി അപേക്ഷകൾക്ക് പരിഹാരം കാണുക എന്നീ ആവശ്യങ്ങൾ ഉന്നയിച്ചുള്ള ധർണ സംസ്ഥാന ജനറൽ സെക്രട്ടറി കെ.പി.എ. മജീദ് ഉദ്ഘാടനം ചെയ്തു. കേന്ദ്ര--സംസ്ഥാന സർക്കാറുകൾ പ്രവാസികളെ േദ്രാഹിക്കുകയാണെന്ന് അദ്ദേഹം കുറ്റപ്പെടുത്തി. കേന്ദ്രത്തിൽ പ്രവാസി വകുപ്പ് പിരിച്ചുവിട്ട് മന്ത്രാലയംതന്നെ ഇല്ലാതാക്കി കേരളത്തിൽ പ്രവാസി കമീഷനെപ്പോലും പ്രവർത്തിക്കാൻ അനുവദിക്കുന്നില്ല. പ്രവാസി പെൻഷെൻറ പേരിൽ 50,000 കോടി രൂപ സമാഹരിക്കാനുള്ള സർക്കാർ നീക്കം പ്രവാസികളെ ചൂഷണം ചെയ്യാനുള്ള പുതിയ അടവ് മത്രമാണ് -കെ.പി.എ. മജീദ് പറഞ്ഞു. എം.എ. റസാഖ്, അബ്ദുന്നാസർ നാച്ചി, നിഹ്മത്തുല്ല കോട്ടക്കൽ, കെ. അഹമ്മദ്, കരാളത്ത് പോക്കർ ഹാജി, ഹുസൈൻ കമ്മന, അഷ്റഫ് കോട്ടക്കൽ തുടങ്ങിയവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.