നന്മണ്ട: വാഹനങ്ങളുടെ കാഴ്ച മറച്ച് അപകട ഭീഷണിയായി പാതയോരത്ത് കാട്. നന്മണ്ട-നരിക്കുനി റോഡിൽ മൂലേംമാവിനു സമീപമാണ് പുൽചെടികൾ വളർന്നു പന്തലിച്ചത്. നന്മണ്ട ഭാഗത്തുനിന്ന് നരിക്കുനി ഭാഗത്തേക്ക് പോകുന്ന വാഹനങ്ങളിലെ ഡ്രൈവർമാർക്ക് നരിക്കുനി ഭാഗത്തുനിന്ന് വരുന്ന വാഹനങ്ങൾ കാണാൻ കഴിയാത്ത അവസ്ഥയാണ്. വാഹനബാഹുല്യമേറെയുള്ള റൂട്ടാണിത്. മെഡിക്കൽ കോളജ് ആശുപത്രിയിലേക്കുള്ള യാത്രക്കാരും തീർഥാടനകേന്ദ്രത്തിലേക്കുള്ള യാത്രക്കാരും ഇതിലൂടെയാണ് പോകുന്നത്. പാതയോരത്തെ കാടുകൾ െവട്ടിമാറ്റണമെന്ന് ഡ്രൈവർമാരും നാട്ടുകാരും ഒരേസ്വരത്തിൽ ആവശ്യപ്പെട്ടിട്ടും അധികൃതർക്ക് കുലുക്കമില്ല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.