ഫറോക്ക്: ദേശീയപാതയിൽ ഓടിക്കൊണ്ടിരുന്ന കെ.എസ്.ആർ.ടി.സി ബസിെൻറ ടയർ പൊട്ടിയത് ഭീതി ഉയർത്തി. ഞായറാഴ്ച രാവിലെ 11 മണിയോടെ ദേശീയപാത ചെറുവണ്ണൂർ ജങ്ഷനിലെ ഇറക്കത്തിലാണ് അപകടമുണ്ടായത്. ഡ്രൈവറുടെ അവസരോചിത ഇടപെടൽ അപകടം ഒഴിവാക്കി. കോഴിക്കോട് നിന്ന് വഴിക്കടവിലേക്ക് പോവുകയായിരുന്ന കെ.എസ്.ആർ.ടി.സി ബസിൽ സ്ത്രീകളും കുട്ടികളുമുൾപ്പെടെ മുപ്പത്തഞ്ചിലധികം യാത്രക്കാരുണ്ടായിരുന്നു. പിൻചക്രമാണ് വൻ ശബ്ദത്തോടെ പൊട്ടിയത്. പൂർണമായും തേഞ്ഞ നിലയിലാണ് ടയറുകൾ. ടയർ പൊട്ടിയതിനെതുടർന്ന് ബസിെൻറ നിയന്ത്രണം നഷ്ടമായെങ്കിലും ഡ്രൈവർ നിയന്ത്രിച്ചുനിർത്തുകയായിരുന്നു. യാത്രക്കാരെ പിന്നീട് മറ്റൊരു കെ.എസ്.ആർ.ടി.സി ബസിൽ യാത്രയാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.