റോഡ്​ തകർത്ത പൈപ്പ്​ നന്നാക്കിത്തുടങ്ങി

കോഴിക്കോട്: പുതിയ റോഡ് തകർത്ത പൈപ്പ് വാട്ടർ അതോറിറ്റി അറ്റകുറ്റപ്പണി നടത്താൻ തുടങ്ങി. ഉദ്ഘാടനം കാത്തിരിക്കുന്ന ഗാന്ധിറോഡ്-സി.ഡബ്ല്യു.ആർ.ഡി.എം റോഡിലെ ചേവരമ്പലം ഭാഗത്ത് ൈപപ്പ് പൊട്ടി റോഡ് തകർന്നതായി ശനിയാഴ്ച 'മാധ്യമം' വാർത്ത നൽകിയിരുന്നു. പൂളക്കടവിലെ പമ്പ്ഹൗസിൽനിന്ന് നഗരത്തിേലക്ക് പോകുന്ന മെയിൻ പൈപ്പ്ലൈനായിരുന്നു പൊട്ടിയത്. റോഡ് കരാറുകാർക്ക് നഷ്ടപരിഹാരത്തുക നൽകാതെ വാട്ടർ അതോറിറ്റി അനാസ്ഥ തുടർന്നതിനാൽ റോഡിന് കാര്യമായ കേടുപാട് സംഭവിച്ചിരുന്നു. പൈപ്പ് അറ്റകുറ്റപ്പണിക്കുശേഷം വീണ്ടും റോഡുപണിക്ക് ഇറങ്ങേണ്ട ഗതിേകടിലാണ് കരാറുകാർ. റോഡ് വെട്ടിപ്പൊളിക്കുന്നവരോട് നഷ്ടപരിഹാരം വാങ്ങണെമന്ന മന്ത്രി ജി. സുധാകര​െൻറ നിർദേശമുള്ളതിനാൽ തുക നൽകുമെന്ന് വാട്ടർ അതോറിറ്റി ഉറപ്പുനൽകുകയായിരുന്നു. കോവൂർ-വെള്ളിമാട്കുന്ന് റോഡിലും പൈപ്പ് പൊട്ടിയിട്ടുണ്ട്. പടം pk 06