നരിക്കുനി: നരിക്കുനി പഞ്ചായത്തിലെ 15 വാർഡുകളിലും മടവൂർ പഞ്ചായത്തിലെ 17 വാർഡുകളിലും കുടിവെള്ളക്ഷാമം രൂക്ഷമായ പ്രദേശങ്ങൾ നിരവധി. എന്നാൽ, റവന്യൂ അധികൃതർ ഇതുവരെ ജലവിതരണം തുടങ്ങിയിട്ടില്ല. കുടിവെള്ളക്ഷാമം രൂക്ഷമായ പ്രദേശങ്ങളിൽ വെള്ളം ശേഖരിച്ചുവെക്കുന്നതിന് ആവശ്യമായ സംവിധാനങ്ങളൊരുക്കാൻ പഞ്ചായത്തുകളോട് റവന്യൂ അധികൃതർ ആവശ്യപ്പെട്ടിട്ടുണ്ട്. എന്നാൽ, നരിക്കുനി, മടവൂർ വില്ലേജ് ഓഫിസുകൾ ഇക്കാര്യത്തിൽ പ്രായോഗിക പ്രവർത്തനങ്ങളൊന്നും നടത്തിയിട്ടില്ല. നരിക്കുനി പഞ്ചായത്തിലെ നൂഞ്ഞിക്കുന്ന്, കാരക്കൽ, കരിയാട്ടുചാലിൽ, കാരൂക്കിൽ, മഞ്ഞളാംപൊയിൽ, തിയ്യക്കണ്ടി, കാരക്കുന്നുമ്മൽ, തൊണ്ട്യാപ്പാറ, ചോണോട്ട്, വാപ്പാളി, വട്ടപ്പാറക്കൽ, ചെമ്പക്കുന്ന്, പുറായിൽ, മുച്ചിലാടി തുടങ്ങിയ നിരവധി സ്ഥലങ്ങളിലും മടവൂർ പഞ്ചായത്തിലെ ഏതാണ്ടെല്ലാ വാർഡുകളിലും ജലക്ഷാമം രൂക്ഷമാണ്. പാലോളിത്താഴത്ത് പ്രവാസി കൂട്ടായ്മയും പാറന്നൂർ കേന്ദ്രീകരിച്ച് ഉമറലി ശിഹാബ് തങ്ങൾ സെല്ലുമാണ് ഇപ്പോൾ സൗജന്യ കുടിവെള്ള വിതരണം നടത്തുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.