വാണിമേല്: കാലവര്ഷം ആരംഭിച്ചതോടെ വിലങ്ങാട് ചെറുകിട ജല വൈദ്യുത പദ്ധതിയില് ഉല്പാദനം പുനരാരംഭിച്ചു. ഒരു ജനറേറ്ററില്നിന്ന് മാത്രമാണ് ഇപ്പോള് വൈദ്യുതി ഉല്പാദിപ്പിച്ച് തുടങ്ങിയത്. പാനോത്തെയും വാളൂക്കിലെയും ജലസംഭരണികളില് കാലവര്ഷം ദുര്ബലമായതിനാല് ആവശ്യത്തിന് വെള്ളമില്ല. ഇതിനാല് ഇടവിട്ട സമയങ്ങളിലാണ് വൈദ്യുതി ഉല്പാദിപ്പിക്കുന്നത്. കടുത്ത വേനലായതിനാല് ഇത്തവണ നേരത്തേതന്നെ വൈദ്യുതോല്പാദനം പൂര്ണമായ് നിര്ത്തിവെക്കുകയുണ്ടായിരുന്നു. 2.5 മെഗാവാട്ട് ഉല്പാദനശേഷിയുള്ള മൂന്ന് ജനറേറ്ററുകളാണ് വിലങ്ങാട് പവര് ഹൗസിലുള്ളത്. കനാലില്നിന്ന് മണലും ചളിയും നീക്കുകയും ഫോര്ബെ ടാങ്ക് ശുചീകരണവും മുമ്പേതന്നെ പൂര്ത്തിയാക്കിയിരുന്നു. വിലങ്ങാട് പദ്ധതിയില് നിന്നുള്ള വൈദ്യുതി ചീയ്യൂര് സബ് സ്റ്റേഷന്വഴി പൊതു ഗ്രിഡിലേക്ക് നല്കി വിതരണം ചെയ്യുകയാണ് പതിവ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.