കോഴിക്കോട്: ട്രെയിനില്‍ കടത്തുകയായിരുന്ന 35,000 രൂപയുടെ നിരോധിത പുകയില ഉല്‍പന്നങ്ങള്‍ റെയില്‍വേ പൊലീസ് പിടികൂടി. വ്യാഴാഴ്ച ഉച്ചയോടെ മൂന്നാം പ്ളാറ്റ്ഫോമില്‍ എത്തിയ മംഗലാപുരം-കോയമ്പത്തൂര്‍ ട്രെയിനില്‍നിന്നാണ് ചാക്കുകെട്ടുകളില്‍ സൂക്ഷിച്ച പുകയില ഉല്‍പന്നങ്ങള്‍ എസ്.ഐ ബി.കെ. സിജുവിന്‍െറ നേതൃത്വത്തില്‍ പിടികൂടിയത്. എ.എസ്.ഐ സതീഷ്കുമാര്‍, ആര്‍.പി.എഫ് സ്ക്വാഡ് അംഗം പ്രവീണ്‍ എന്നിവരും പട്രോളിങ് സംഘത്തിലുണ്ടായിരുന്നു. പ്രതിയെക്കുറിച്ച് അന്വേഷണം നടത്തിവരുകയാണെന്ന് പൊലീസ് അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.