പേരാമ്പ്ര: സില്വര് ആര്ട്സ് ആന്ഡ് കോളജില് എസ്. എഫ്.ഐ, യു.ഡി.എസ്.എഫ് പ്രവര്ത്തകര് തമ്മിലുള്ള സംഘര്ഷത്തില് നിരവധി പേര്ക്ക് പരിക്കേറ്റു. പി. അര്ഷിന്, മുസ്തഫ, മുഹമ്മദ് സഫീര് തുടങ്ങിയ വിദ്യാര്ഥികള്ക്കാണ് പരിക്കേറ്റത്. എസ്.എഫ്.ഐക്കാരും പുറത്തുനിന്നുള്ള ഡി.വൈ.എഫ്.ഐ പ്രവര്ത്തകരും കാമ്പസില് കയറി കെ.എസ്.യു കൊടിമരവും തോരണങ്ങളും നശിപ്പിക്കുകയും യു.ഡി.എസ്.എഫ് പ്രവര്ത്തകരെ മര്ദിക്കുകയുമായിരുന്നെന്ന് കെ.എസ്.യു ആരോപിച്ചു. യു.ഡി.എസ്.എഫ് നടത്തിയ പ്രതിഷേധപ്രകടനത്തിന് അരുണ് കിഴക്കയില്, മുനീര് നൊച്ചാട്, അര്ജുന് കറ്റയാട്ട്, ജിതിന് മുതുകാട് എന്നിവര് നേതൃത്വം നല്കി. സി.കെ.ജി കോളജിലും സില്വര് കോളജിലും യു.ഡി.എസ്.എഫ് നേതൃത്വത്തില് അക്രമം നടത്തുന്നതായി ആരോപിച്ച് എസ്.എഫ്.ഐ പേരാമ്പ്രയില് വ്യാഴാഴ്ച പ്രതിഷേധദിനമാചരിച്ചു. സംഘര്ഷത്തെ തുടര്ന്ന് സില്വര് കോളജിന് വെള്ളിയാഴ്ച അവധി പ്രഖ്യാപിച്ചിട്ടുണ്ട്. സംഘര്ഷത്തെ തുടര്ന്ന് സി.കെ.ജി.എം ഗവ. കോളജും അടച്ചിരിക്കുകയാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.