പയ്യോളി: നിരവധി കേസുകളില് പൊലീസ് അന്വേഷിക്കുന്ന പ്രതി പിടിയില്. കര്ണാടകയില് ആള്ദൈവമായി കഴിയുന്ന ഇരിങ്ങത്ത് പാക്കനാര്പുരത്തെ രാജേഷ് മരുതേരി എന്ന ശ്രീ ശ്രീ പ്രണവാനന്ദ സ്വാമിയാണ് പയ്യോളിയില് പിടിയിലായത്. കോടതിയില് ഹാജരാക്കിയ ഇയാള്ക്ക് ജാമ്യം ലഭിച്ചു. തുറയൂര് ഇടിഞ്ഞകടവിലെ സി.പി.എം പ്രവര്ത്തകന് നെല്യാടുമ്പല് ശ്രീധരന്െറ ഫര്ണിച്ചര് കട കത്തിച്ച കേസിലും വെളുത്തടത്ത് ചെക്കോട്ടിയുടെ വീട് ആക്രമിക്കുകയും കാര് കത്തിക്കുകയും ചെയ്ത കേസിലും ഉള്പ്പെട്ട ഇയാളെ പൊലീസ് അന്വേഷിച്ചുവരുകയായിരുന്നു. പേരാമ്പ്ര, കൊയിലാണ്ടി സ്റ്റേഷനുകളിലും ഇയാള്ക്കെതിരെ കേസുണ്ട്. കേസില് പ്രതിയായ ഇയാള് പിന്നീട് കര്ണാടകയിലേക്ക് കടന്നതായി പറയുന്നു. കര്ണാടകയില് ആള്ദൈവമായ രാജേഷ് പ്രണവാനന്ദ സ്വാമിയായി കഴിഞ്ഞുവരുകയായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.