തെൻറ പ്രചാരണം നയിക്കുക കെ.വി. തോമസ് -ഹൈബി ഈഡൻ കൊച്ചി: എറണാകുളം പാർലമെൻറ് മണ്ഡലത്തിൽ തെൻറ തെരഞ്ഞെടുപ്പ് പ്രചാരണ പ്രവര്‍ത്തനങ്ങള്‍ക്ക് പ്രഫ. കെ.വി. തോമസ് നേതൃത്വം നല്‍കുമെന്ന് മണ്ഡലത്തിലെ യു.ഡി.എഫ് സ്ഥാനാര്‍ഥിയായി പ്രഖ്യാപിക്കപ്പെട്ട ഹൈബി ഈഡന്‍. കോണ്‍ഗ്രസിലെ ഏറ്റവും പക്വമതിയും എറണാകുളത്തിെൻറ വളര്‍ച്ചക്ക് നിര്‍ണായക പങ്കുവഹിച്ചിട്ടുള്ള വ്യക്തിയുമാണ് കെ.വി. തോമസ്. അദ്ദേഹവുമായി താന്‍ സംസാരിച്ചിരുന്നു. അദ്ദേഹത്തിെൻറ നിര്‍ദേശമനുസരിച്ചായിരിക്കും എറണാകുളത്ത് തെരഞ്ഞെടുപ്പ് പ്രചാരണം. കെ.വി. തോമസ് പരിചയസമ്പന്നനായ രാഷ്ട്രീയ പ്രവര്‍ത്തകനാണ്. അദ്ദേഹം തങ്ങള്‍ക്കൊപ്പമുണ്ടാകും. അദ്ദേഹത്തോട് കൃത്യമായി ആശയവിനിമയം നടത്തിയില്ലെന്നതാണ് പ്രധാന പരാതി. കൂടുതല്‍ വലിയ ഉത്തരവാദിത്തം പാര്‍ട്ടി ഏല്‍പിക്കുമെന്നാണ് വിശ്വസിക്കുന്നത്. ഈ തെരഞ്ഞെടുപ്പ് രാഷ്ട്രീയ പോരാട്ടമാണ്. എറണാകുളം യു.ഡി.എഫിെൻറ കോട്ടയാണ്. താനെന്നല്ല ഏതു സ്ഥാനാര്‍ഥിയാണെങ്കിലും എറണാകുളത്ത് യു.ഡി.എഫ് വിജയിക്കും. ഇവിടെ വ്യക്തികള്‍ക്കല്ല, രാഷ്ട്രീയത്തിനാണ് പ്രസക്തി. അതുകൊണ്ടുതന്നെ രാഷ്ട്രീയ പോരാട്ടത്തിനാണ് തയാറെടുത്തിരിക്കുന്നതെന്നും ഹൈബി ഈഡൻ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.