കോട്ടയം: നഗരമധ്യത്തിൽ യുവതിയെ ആസിഡ് ഒഴിച്ച് കൊലപ്പെടുത്തിയ കേസിൽ വിധി പറയുന്നത് ഇൗ മാസം 14ലേക്ക് മാറ്റി. വെള്ളിയാഴ്ച അന്തിമവാദം കേട്ടശേഷം കോട്ടയം സെഷൻസ് കോടതിയാണ് കേസ് വിധി പറയാൻ മാറ്റിയത്. 2014 ജനുവരി 14നാണ് കേസിനാസ്പദമായ സംഭവം. പത്തനംതിട്ട ളാഹ സ്വദേശി ശാലിനിയെ (38) കൊന്ന കേസിൽ കഞ്ഞിക്കുഴിയിൽ വാടകക്ക് താമസിക്കുന്ന തിരുവനന്തപുരം സ്വദേശി രാധ (52) കുറ്റക്കാരിയെന്ന് കോടതി നേരേത്ത കണ്ടെത്തിയിരുന്നു. ലൈംഗിക തൊഴിലാളികൾ തമ്മിലുള്ള തർക്കത്തെ തുടർന്ന് രാധ ശാലിനിയെ ആസിഡ് ഒഴിച്ച് കൊലപ്പെടുത്തിയെന്നാണ് പ്രോസിക്യൂഷൻ കേസ്. കോട്ടയം വെസ്റ്റ് സി.ഐ ആയിരുന്ന എ.ജെ. തോമസാണ് കേസ് അന്വേഷിച്ച് കുറ്റപത്രം സമർപ്പിച്ചത്. പ്രോസിക്യൂഷനു വേണ്ടി പബ്ലിക് പ്രോസിക്യൂട്ടർ ഗിരിജ ബിജു ഹാജരായി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.