ബംഗളൂരു: ഒളിഞ്ഞിരിക്കുന്ന നിധി കണ്ടെത്താൻ ഭാര്യയെ നരബലി നൽകാൻ ശ്രമിച്ച പൂജാരി പിടിയിലായി. കെങ്കേരി ഉള്ളാലിലെ രുദ്ര മുനീശ്വര ക്ഷേത്രത്തിലെ പൂജാരി മഹാലിങ്കേശ്വറിനെ (39) യാണ് ബംഗളൂരു റൂറൽ പൊലീസ് അറസ്റ്റ് ചെയ്തത്. ഡ്രൈവറായി ജോലിചെയ്തിരുന്ന ഇയാൾ അഞ്ചുവർഷം മുമ്പാണ് ക്ഷേത്രത്തിലെ പൂജാരിയായത്. കോടിപതിയാകാനുള്ള ശ്രമത്തിൽ തന്നെ കൊല്ലുമെന്ന് കാണിച്ച് 35 കാരിയായ ഇയാളുടെ ഭാര്യ വനിത കമീഷനെ പരാതിയുമായി സമീപിച്ചിരുന്നു. കുംഭ രാശിയിലുള്ള വ്യക്തിയുടെ ജീവൻ ബലിയായി നൽകിയാൽ നിധി അടങ്ങിയ കുടം പുറത്തുവരുമെന്നായിരുന്നു മഹാലിങ്കേശ്വർ വിശ്വസിച്ചിരുന്നത്. ഇക്കാര്യം കുംഭ രാശിയിൽ ജനിച്ച ഭാര്യയോട് ഇടക്കിടെ പറയുകയും ചെയ്തിരുന്നു. ഇതോടെയാണ് തന്നെ ബലിനൽകുമെന്ന ഭയം സ്ത്രീയിലുണ്ടായത്. നിധിവേട്ടയുടെ ഭാഗമായി വീടിന് സമീപം ഇയാൾ കുഴികുഴിക്കുകയും പ്രാർഥന നടത്തുകയും ചെയ്തിരുന്നു. ഇതുകൂടാെത ഭാര്യയെയും മക്കളായ മൂന്നു പെൺകുട്ടികളെയും പലകാര്യങ്ങളും ചെയ്യാൻ നിർബന്ധിക്കുകയും ചെയ്തിരുന്നതായും പരാതിയുണ്ട്. മൂത്ത മകളെ ഉപദ്രവിക്കാൻ ശ്രമിച്ചതിനെ തുടർന്നാണ് സ്ത്രീ പരാതിയുമായി കമീഷനെ സമീപിച്ചത്. മേയ് 12ന് പൊതുഅവധി ബംഗളൂരു: വോട്ടെടുപ്പ് ദിവസമായ മേയ് 12ന് കർണാടകയിൽ പൊതു അവധി പ്രഖ്യാപിച്ചു. സർക്കാർ ഒാഫിസുകൾ, സ്കൂളുകൾ, കോളജുകൾ എന്നിവക്കുപുറമെ േകന്ദ്ര സർക്കാർ സ്ഥാപനങ്ങളിലെ ജീവനക്കാർക്കും അവധി അനുവദിച്ചിട്ടുണ്ട്. പോളിങ് സ്റ്റേഷനായ സ്കൂളുകൾക്കും കോളജുകൾക്കും മേയ് 11നും അവധിയായിരിക്കും. വോട്ടെണ്ണൽ കേന്ദ്രങ്ങളായുള്ള സ്കൂളുകൾക്കും കോളജുകൾക്കും 15 നും അവധിയായിരിക്കും. സ്വകാര്യ സ്ഥാപനങ്ങളിലെ ജീവനക്കാർക്ക് വോട്ട് ചെയ്യാൻ ശമ്പളത്തോടുകൂടിയ അവധി അനുവദിക്കാനും തെരഞ്ഞെടുപ്പ് കമീഷൻ നിർേദശം നൽകിയിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.