ന്യൂഡൽഹി: ഡൽഹിയിലെ ഹസ്റത് നിസാമുദ്ദീൻ സ്റ്റേഷനിൽനിന്ന് അംബാലയിലേക്ക് പോവുകയായിരുന്ന ട്രെയിനിലെ യാത്രക്കാരെ നാലംഗ സായുധ സംഘം കൊള്ളയടിച്ചു. വെള്ളിയാഴ്ച പുലർച്ചെ നാലിനാണ് സംഭവം. സ്റ്റേഷൻ വിട്ടയുടൻ തിലക് ബ്രിഡ്ജിനടുത്ത് നിസാമുദ്ദീൻ-അംബാല പാസഞ്ചർ ട്രെയിൻ നിർത്തിയിരുന്നു. കത്തിയുമായി എത്തിയ സംഘം ജനറൽ കോച്ചിലെ 15ഒാളം യാത്രക്കാരെ ഭീഷണിപ്പെടുത്തി മൊബൈൽ ഫോണും മറ്റ് സാധനങ്ങളും കവർന്നതായി വടക്കൻ റെയിൽവേ വക്താവ് നിതിൻ ചൗധരി പറഞ്ഞു. അക്രമത്തിൽ ഒരു യാത്രക്കാരന് പരിക്കുണ്ട്. യാത്രക്കാരുടെ പരാതിയിൽ അന്വേഷണം തുടങ്ങി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.