രാജാക്കാട്: ഏലത്തോട്ടത്തില് ജോലി ചെയ്തിരുന്ന തൊഴിലാളി സ്ത്രീക്ക് കാട്ടാനയുടെ ആക്രമണത്തില് പരിക്ക്. ബോഡി ധർമദിപ്പെട്ടി സ്വദേശി സത്യക്കാണ് ഗുരുതര പരിക്കേറ്റത്. ജോലി ചെയ്യുന്നതിനിടെ കാട്ടാനക്കൂട്ടത്തില്നിന്ന് കൂട്ടം തെറ്റിയെത്തിയ ആന സത്യയെ ആക്രമിക്കുകയായിരുന്നു. രക്ഷപ്പെട്ട് ഓടുന്നതിനിെട ഏലത്തട്ടയില് തട്ടിവീണ സത്യയെ ആന ചവിട്ടി. കണ്ടുനിന്ന മറ്റ് തൊഴിലാളികൾ നിലവിളിച്ചതോടെ കാട്ടാന പിന്തിരിയുകയും തുടര്ന്ന് സത്യയെ രാജാക്കാട് സ്വകാര്യ ആശുപത്രിയിലും പിന്നീട് തേനി മെഡിക്കല് കോളജിലും പ്രവേശിപ്പിച്ചു. ഏലത്തോട്ടത്തില് നിലയുറപ്പിച്ചിരുന്ന കാട്ടാനയെ പിന്നീട് ശാന്തൻപാറ ഫോറസ്റ്റര് വി. വിനോദ്കുമാറിെൻറ നേതൃത്വത്തിലുള്ള വനപാലകര് സ്ഥലത്തെത്തി കാട്ടിലേക്ക് മടക്കി. അപകടവിവരമറിഞ്ഞ് രാജാക്കാട് എസ്.ഐ പി.ഡി. അനൂപ്മോന് അടക്കമുള്ള ഉദ്യോഗസ്ഥരും സ്ഥലത്തെത്തിയിരുന്നു. കാട്ടാനകള് തോട്ടം മേഖലയില് നിലയുറപ്പിച്ചതോടെ തൊഴിലാളികളടക്കം കടുത്ത ഭീതിയിലാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.