കുമളി: ഒന്നാംമൈലിൽ മൂന്ന് വ്യാപാര സ്ഥാപനങ്ങൾ കുത്തിത്തുറന്ന് മോഷണം. ബുധനാഴ്ച പുലർച്ചയോടെയാണ് ഒന്നാംമൈലിലുള്ള മൂന്ന് വ്യാപാര സ്ഥാപനങ്ങളിൽ മോഷണം നടന്നത്. ടൗണിൽ റൈറ്റ് ക്ലിക്ക് ഇൻറർനെറ്റ് കഫേയുടെ രണ്ടാം നിലയിലുള്ള ഓഫിസിെൻറ പൂട്ട് കുത്തിപ്പൊളിച്ച് ടി.വി, വിഡിയോ കാമറ എന്നിവയാണ് മോഷ്ടിച്ചത്. സമീപെത്ത മൊബൈൽ പോയൻറിൽനിന്ന് ഒരു ഐ ഫോണും സർവിസിന് നൽകിയിരുന്ന മറ്റ് രണ്ട് മൊബൈൽ ഫോണുകളും നഷ്ടപ്പെട്ടു. റോഡിന് സമാന്തരമായി പ്രവർത്തിക്കുന്ന ബയോ മാർക്ക് എന്ന മെഡിക്കൽ ഷോപ്പിൽ കയറിയ മോഷ്ടാവ് 200 രൂപയുമായാണ് കടന്നത്. ഈ സ്ഥാപനത്തിന് സമീപെത്ത ഗോവണി വഴിയാണ് രണ്ടാം നിലയിലുള്ള സ്ഥാപനങ്ങളിൽ കയറി മോഷണം നടത്തിയത്. രാവിലെ സ്റ്റാൻഡിലെത്തിയ ഓട്ടോ ഡ്രൈവർമാരാണ് സംഭവം ആദ്യം കണ്ടത്. കുമളി പൊലീസ് പരിശോധന നടത്തി. രണ്ടാഴ്ച മുമ്പ് ഒന്നാംമൈലിൽ തന്നെയുള്ള ഐഡിയ പോയൻറ് എന്ന സ്ഥാപനം കുത്തിത്തുറന്ന് 5000 രൂപയും റീചാർജ് കൂപ്പണുകളും മോഷ്ടിച്ചിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.