ആനയിറങ്കൽ‌ അണക്കെട്ട് തുറന്നു

രാജകുമാരി: പന്നിയാർ ജലവൈദ്യുതി പദ്ധതിയുടെ സഹായ അണക്കെട്ടായ ആനയിറങ്കൽ‌ ശനിയാഴ്ച തുറന്നുവിട്ടു. പന്നിയാർ പുഴയിലും പൊന്മുടി അണക്കെട്ടിലും ജലനിരപ്പ് ക്രമാതീതമായി കുറഞ്ഞതിനെ തുടർന്നാണ് ആനയിറങ്കൽ അണക്കെട്ടി​െൻറ സ്ലൂയിസ് ഗേറ്റ് തുറന്നത്. മൂന്ന് ഘട്ടമായാണ് ഗേറ്റ് തുറന്നത്. 49 മില്യൺ ക്യുബിക് മീറ്റർ ജലം ഉൾക്കൊള്ളുന്ന ആനയിറങ്കൽ അണക്കെട്ടിൽ സംഭരണശേഷിയുടെ 90 ശതമാനം വെള്ളമാണ് ഇപ്പോഴുള്ളത്. 1205.86 മീറ്ററാണ് അണക്കെട്ടിലെ ഇന്നലത്തെ ജലനിരപ്പ്. വേനൽ അവസാനിക്കുന്ന ജൂണ്‍ പകുതിവരെ ഒരു മില്യൺ ക്യൂബിക് മീറ്റർ വെള്ളമാണ് ആനയിറങ്കൽ അണക്കെട്ടിൽനിന്ന് പന്നിയാർ പുഴയിലൂടെ പൊന്മുടി അണക്കെട്ടിലേക്ക് തുറന്നുവിടുന്നത്.