കുമളി: സംസ്ഥാന അതിർത്തി ചെക്ക്പോസ്റ്റിലും പരിസരത്തും കേരള-തമിഴ്നാട് അധികൃതർ നടത്തിയ സംയുക്ത ലഹരി പരിശോധനക്കിടെ കഞ്ചാവുമായി ഒരാൾ പിടിയിലായി. കോട്ടയം കൂരോപ്പട സ്വദേശി താവളം വീട്ടിൽ ജോൺസൺ ടി. ആൻറണിയാണ് (40) പിടിയിലായത്. മധുരയിൽനിന്ന് തിരുവല്ലക്ക് വരുകയായിരുന്ന കെ.എസ്.ആർ.ടി.സി ബസിൽനിന്നാണ് ഇയാളെ പിടികൂടിയത്. ഇയാളുടെ പക്കൽനിന്ന് 470 ഗ്രാം കഞ്ചാവ് കണ്ടെടുത്തു. പീരുമേട് എക്സൈസ് സർക്കിൾ ഇൻസ്പെക്ടർ സോജൻ െസബാസ്റ്റ്യൻ, കലാമുദ്ദീൻ, തമിഴ്നാട് ലഹരിവിരുദ്ധ സ്ക്വാഡ് ഉദ്യോഗസ്ഥരായ എം. ജമീന്താർ, എ. പ്രഭു എന്നിവരാണ് തിരച്ചിലിന് നേതൃത്വം നൽകിയത്. ചെക്ക്പോസ്റ്റിന് പുറമെ അതിർത്തി പ്രദേശമായ റോസാപ്പൂക്കണ്ടം, പാണ്ടിക്കുഴി പ്രദേശങ്ങളിലും സംഘം പരിശോധന നടത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.