വണ്ടിപ്പെരിയാർ: ടാറ്റ സുമോ മരത്തിലിടിച്ച് തലകീഴായി മറിഞ്ഞു. മരം ഒടിഞ്ഞ് നിർത്തിയിട്ടിരുന്ന കാർ തകർന്നു. വണ്ടിപ്പെരിയാർ-മൗണ്ട് സത്രം റോഡിലെ അരണക്കൽ പാൽ ഓഫിസിന് സമീപം തിങ്കളാഴ്ച വൈകീട്ട് മൂന്നോടെയാണ് അപകടം. അരണക്കൽ ഭാഗത്തുനിന്നള പെരിയാറിലേക്ക് വരുകയായിരുന്ന ടാറ്റ സുമോയാണ് അപകടത്തിൽപെട്ടത്. നിയന്ത്രണംവിട്ട വാഹനം മരത്തിലിടിക്കുകയും തലകീഴായി മറിയുകയുമായിരുന്നു. ഇതിന് സമീപം നിർത്തിയിട്ടിരുന്ന കാറിന് മുകളിലേക്കാണ് മരം പതിച്ചത്. അപകടത്തിൽ പരിക്കേറ്റവരെ കമ്പത്തെ ആശുപത്രിയിൽ പ്രവേശിപ്പിച്ചു. ടാറ്റ സുമോയിൽ മൂന്നുപേരാണുണ്ടായിരുന്നത്. കാറിൽ ആളുണ്ടായിരുന്നില്ല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.