കുമളി: ആന്ധ്രയിൽനിന്ന് തമിഴ്നാട് വഴി കേരളത്തിലേക്ക് കൊണ്ടുവന്ന 210 കിലോ കഞ്ചാവ് തേനിയിൽ തമിഴ്നാട് നാർകോട്ടിക്സ് വിഭാഗം പിടികൂടി. പെരിയകുളം-തേനി റോഡിൽ വാഹന പരിശോധന നടക്കുന്നതിനിടെയാണ് കഞ്ചാവുമായി വന്ന വാഹനം പിടിയിലായത്. വാഹനത്തിലുണ്ടായിരുന്ന തഞ്ചാവൂർ ഓരത്താട്ടെ സ്വദേശി ശെന്തിൽകുമാർ (41), പട്ടുകോട്ടൈ സ്വദേശി ദയേന്ദ്രൻ (26) എന്നിവരെ ഇൻസ്പെക്ടർ മുത്തുകുമാറിെൻറ നേതൃത്വത്തിൽ അറസ്റ്റ് ചെയ്തു. കഞ്ചാവ് കടത്താൻ ഉപയോഗിച്ച വാഹനത്തിെൻറ ഉടമ മധുര തിരുവായൂർ സ്വദേശി വിജയകുമാർ ഒളിവിലാണ്. ഇയാൾക്കുവേണ്ടി തിരച്ചിൽ ആരംഭിച്ചിട്ടുണ്ട്. പിടിച്ചെടുത്ത കഞ്ചാവിന് കാൽ കോടിയോളം രൂപ വില വരുമെന്ന് പൊലീസ് പറഞ്ഞു. വാഹനത്തിൽനിന്ന് വ്യാജ നമ്പർ പ്ലേറ്റുകളും കണ്ടെടുത്തു. അറസ്റ്റിലായ പ്രതികളെ തേനി കോടതി റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.