കോട്ടയം: . കോട്ടയം ബസേലിയോസ് കോളജ് അധ്യാപകൻ നട്ടാശേരി സ്വദേശി ശരത് പി. നാഥിനെയാണ് (31) വ്യാഴാഴ്ച കോളജിലെത്തി മടങ്ങിയ ശേഷം കാണാതായത്. ഭാര്യ കോട്ടയം ഈസ്റ്റ് പൊലീസ് സ്റ്റേഷനിൽ നൽകിയ പരാതിയിൽ സൈബർ വിഭാഗം വഴിയാണ് അന്വേഷണം പുരോഗമിക്കുന്നത്. ഇടുക്കി അടിമാലിയിലെ എ.ടി.എം കൗണ്ടർവഴി അധ്യാപകെൻറ അക്കൗണ്ടിൽനിന്ന് പണം പിൻവലിച്ചതായി പൊലീസിന് വിവരം ലഭിച്ചു. ഇടുക്കി ജില്ല കേന്ദ്രീകരിച്ചുള്ള അന്വേഷത്തിലാണ് പൊലീസ്. മൊബൈല് ഫോണ് സ്വിച്ച് ഓഫ് ചെയ്ത നിലയിലാണ്. ആദ്യം പൊലീസ് ഗുരുവായൂർ, ചാവക്കാട് ഭാഗങ്ങള് കേന്ദ്രീകരിച്ച് അന്വേഷിച്ചെങ്കിലും പ്രയോജനമുണ്ടായില്ല. അധ്യാപകെൻറ പരിചയക്കാരിയായ എറണാകുളം സ്വദേശിനിയെയും കാണാതായിട്ടുണ്ടെന്നും രണ്ടു കേസുകളും തമ്മിൽ ബന്ധമുണ്ടോയെന്നും അന്വേഷിച്ചുവരുകയാണെന്നും പൊലീസ് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.