കോട്ടയം: വിദേശരാജ്യങ്ങളിലെ വിവിധ അഭ്യാസങ്ങളിൽ പ്രാവീണ്യം നേടിയ എട്ടംഗസംഘം പുതുപ്പള്ളിയിലെ കളരിയിൽ കളരിപ്പയറ്റ് നടത്തി. ഫ്രാൻസ്, ജർമനി, ഇറ്റലി, കാനഡ എന്നീ രാജ്യങ്ങളിൽനിന്നുള്ള സംഘമാണ് അഭ്യാസപ്രകടനം കാഴ്ചവെച്ചത്. ഞായറാഴ്ച ഉച്ചക്ക് പുതുപ്പള്ളി തടിയ്ക്കൽ കളരി ആൻഡ് ആയുർവേദ ആശുപത്രിയിലാണ് വിദേശ ആയോധനകലകളും കേരളത്തിെൻറ തനിമ തീർക്കുന്ന കലാപ്രകടങ്ങളും അരങ്ങേറിയത്. ഒരുമണിക്കൂറോളം കളരിയിലെ ആറംഗസംഘത്തോടൊപ്പം കേരളത്തിലെ ആയോധനമുറകൾ പരിശീലിക്കാനും ഇവർ സമയം കണ്ടെത്തി. വിദേശത്തെ വ്യത്യസ്തമായ അഭ്യാസങ്ങൾക്കൊപ്പം നൃത്തവും സർക്കസും അവതരിപ്പിച്ചശേഷം സംഘം ഗോവയിലേക്ക് മടങ്ങി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.