ഇടുക്കി, മുല്ലപ്പെരിയാർ ജലനിരപ്പ്​ താഴേക്ക്​

തൊടുപുഴ: മുല്ലപ്പെരിയാർ, ഇടുക്കി അണക്കെട്ടുകളിലെ ജലനിരപ്പ് താഴുന്നു. അണക്കെട്ടുകളുടെ വൃഷ്ടിപ്രദേശത്ത് മഴയും നീരൊഴുക്കും കുറഞ്ഞതോടെയാണിത്. ഇടുക്കി ജലനിരപ്പ് 2401.12 ആണ് തിങ്കളാഴ്ച. മുല്ലപ്പെരിയാർ ജലനിരപ്പ് 140ഉം. 2402.50 അടിയായിരുന്നു ഇടുക്കി അണക്കെട്ടിലെ ഞായറാഴ്ചത്തെ ജലനിരപ്പ്. ഇടുക്കി അണക്കെട്ടിൽനിന്ന് തുറന്നുവിടുന്ന ജലത്തി​െൻറ അളവ് കൂേട്ടണ്ടി വരുന്ന സാഹചര്യം മഴ ദുർബലമായതോടെ ഒഴിവായേക്കും. നീരൊഴുക്ക് കുറയുന്നത് കണക്കാക്കി തുറന്ന ഷട്ടറുകളുടെ എണ്ണം ഞായറാഴ്ച മൂന്നായി കുറച്ചിരുന്നു. ഇതോടെ സെക്കൻഡിൽ പുറത്തേക്കൊഴുകുന്ന ജലം ഏഴുലക്ഷം ലിറ്ററായി കുറഞ്ഞു. മഴ മാറിനിൽക്കുന്ന സാഹചര്യത്തിൽ അടുത്ത ദിവസങ്ങളിൽ ഷട്ടറുകൾ അഞ്ചും അടക്കാനും സാധ്യതയേറി. 2403 ആണ് ഇടുക്കിയുടെ പൂർണ സംഭരണശേഷി.