ആലോചനയോഗം ചേർന്നു മുണ്ടക്കയം: കാഞ്ഞിരപ്പള്ളി മുതല് മുണ്ടക്കയം വരെ റോഡ് ദേശീയപാത നിലവാരത്തിലേക്ക് ഉയര്ത്തുന്നതിെൻറ ഭാഗമായി പി.സി. ജോര്ജ് എം.എല്.എയുടെ അധ്യക്ഷതയില് യോഗം ചേര്ന്നു. റോഡിെൻറ ഇരുവശത്തുമുള്ള പുറമ്പോക്ക് ഭൂമി ഏറ്റെടുത്ത് നടപടി വേഗത്തിലാക്കാൻ തീരുമാനിച്ചു. എല്ലാ ടൗണുകളിലും ബസ് ബേകളും പ്രധാന കേന്ദ്രങ്ങളില് ബസ് കാത്തിരിപ്പുകേന്ദ്രങ്ങളും നിര്മിക്കും. പാറത്തോട് പഞ്ചായത്ത് ഓഫിസ്, സെൻറ് െഡാമിനിക്സ് കോളജ്, വെളിച്ചിയാനി ബാങ്ക് പടി, പാറത്തോട് പള്ളിപ്പടിയിലെ വളവ്, 31ാം മൈല് യെ് ബ്രിഡ്ജിന് സമീപം, പൈങ്ങണ പള്ളിക്ക് സമീപത്തെ രണ്ട് വളവുകള് തുടങ്ങി പതിമൂന്ന് വളവുകള് നിവര്ത്താനാണ് തീരുമാനം. ഇതിന് സ്ഥലം ഏറ്റെടുക്കുന്നതിനായി ഉടമകളുമായി ചര്ച്ചക്ക് പഞ്ചായത്ത് അധികൃതരെ ചുമതലപ്പെടുത്തി. പാറത്തോട് പഞ്ചായത്ത് പ്രസിഡൻറ് ജയ ജേക്കബ്, കാഞ്ഞിരപ്പള്ളി ഗ്രാമപഞ്ചായത്ത് പ്രസിഡൻറ് ഷക്കീല നസീര്, മുണ്ടക്കയം പഞ്ചായത്ത് വൈസ് പ്രസിഡൻറ് ഷീബ ഡിഫായിന്, ദേശിയപാത ഉദ്യോഗസ്ഥരായ വി.പി. ജാഫര് ഖാന്, മീര പി.എം., എന്. സുരേഷ്, അരവിന്ദ്, പാറത്തോട് പഞ്ചായത്ത് അംഗങ്ങള് തുടങ്ങിയവര് പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.