മൂന്നാറിനെ സംരക്ഷിക്കാൻ തോട്ടം തൊഴിലാളികളടക്കമുള്ളവർ സംഘടിക്കണം- -എം.എം. മണി മൂന്നാർ: മൂന്നാറിനെ ഇല്ലാതാക്കാൻ ശ്രീറാം വെങ്കിട്ടരാമനെ പോലുള്ളവർ ഗ്രീൻ ൈട്രബൂണലിനെ സമീപിച്ചിരിക്കുകയാണെന്നും അത്തരക്കാരിൽനിന്ന് മൂന്നാറിനെ സംരക്ഷിക്കാൻ തോട്ടം തൊഴിലാളികളടക്കമുള്ളവർ സംഘടിക്കണമെന്നും വൈദ്യുതി മന്ത്രി എം.എം. മണി. മൂന്നാറിലെത്തുന്ന സന്ദർശകർക്കായി ജില്ല ടൂറിസം വകുപ്പും ത്രിതല പഞ്ചായത്തുകളും വിവിധ പദ്ധതികൾ ആവിഷ്കരിക്കുമ്പോൾ മൂന്നാർ നിലനിൽക്കേണ്ടത് ഇവിടുത്തെ ജനങ്ങളുടെ ആവശ്യമാണെന്നും ഓണം വാരാഘോഷ സമാപന സമ്മേളനം ഉദ്ഘാടനം ചെയ്യവെ അദ്ദേഹം പറഞ്ഞു. ഓരോ വർഷവും ലക്ഷക്കണക്കിനു സഞ്ചാരികളാണ് മൂന്നാറിലേക്ക് ഒഴുകിയെത്തുന്നത്. ഉൗട്ടിയും കൊടൈക്കനാലും സന്ദർശകർ ഒഴിവാക്കി മൂന്നാറിലെത്തുമ്പോൾ ആവശ്യത്തിനുള്ള അടിസ്ഥാന സൗകര്യം ഒരുക്കേണ്ടത് സർക്കാറിെൻറ ചുമതലയാണ്. അത്തരത്തിൽ നോക്കിയാൽ മൂന്നാറിലും ടൂറിസം വകുപ്പ് യാതൊന്നും ചെയ്തിട്ടില്ല. ഗതാഗതക്കുരുക്ക് ഒഴിവാക്കുന്നതിനും പാർക്കിങ് ഗ്രൗണ്ട് സജ്ജമാക്കുന്നതിനും പഞ്ചായത്ത് നടപടി സ്വീകരിക്കണമെന്നും അദ്ദേഹം ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.