കോട്ടയം: വീടുവിട്ടിറങ്ങിയ പതിനാറുകാരനെ റെയിൽവേ പൊലീസ് ബന്ധുക്കൾക്കൊപ്പം വിട്ടു. കോട്ടയം റെയിൽവേ പ്ലാറ്റ്ഫോമിൽനിന്ന് ബാലനെ റെയിൽവേ പൊലീസ് കണ്ടെത്തുകയായിരുന്നു. ടിക്കറ്റ് ആവശ്യപ്പെെട്ടങ്കിലും കുട്ടിയുടെ കൈയിലുണ്ടായിരുന്നില്ല. തുടർന്ന് ചോദ്യംചെയ്തപ്പോഴാണ് വീട് വിട്ടിറങ്ങിയതാണെന്ന് വ്യക്തമായത്. കാസർകോട് ഉപ്പള സ്വദേശിയായ ബാലൻ തിങ്കളാഴ്ച പുലർച്ച 5.45ന് മലബാർ എക്സ്പ്രസിൽ കോട്ടയത്ത് എത്തുകയായിരുന്നു. ഒരു മാസം മുമ്പ് ബംഗളൂരുവിലേക്കും ഇതുപോലെ പോയിരുന്നു. തുടർന്ന് പൊലീസ് വീട്ടുകാരെ വിളിച്ചറിയിച്ചു. പിന്നീട് ജുവനൈൽ ഹോമിൽനിന്ന് മാതാപിതാക്കൾ കുട്ടിയെ കൂട്ടിക്കൊണ്ടുപോയി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.