കോട്ടയം: ശബരിമല സീസണിലെ തിരക്ക് കണക്കിലെടുത്ത് റെയിൽവേ കൂടുതൽ ട്രെയിനുകൾ പ്രഖ്യാപിച്ചു. നേരേത്ത പ്രഖ്യാപിച്ചതിന് പുറെമ ഡിസംബറിലും ജനുവരിയിലുമായാണ് പ്രത്യേക സർവിസ് നടത്തുകയെന്ന് അധികൃതർ അറിയിച്ചു. ദക്ഷിണേന്ത്യൻ സംസ്ഥാനങ്ങളുടെ വിവിധ ഭാഗങ്ങളിൽനിന്ന് കൊല്ലത്തേക്കും തിരിച്ചുമാണ് സർവിസ്. ഇരുഭാഗത്തേക്കുമായി 28 സർവിസാണ് ഉണ്ടാവുക. ഇതിലേക്ക് റിസർവേഷൻ ആരംഭിച്ചു. ഡിസംബർ രണ്ടുമുതൽ ജനുവരി 16 വരെയാണ് സർവിസ് നടത്തുക. ഹൈദരാബാദ്-കൊല്ലം, കൊല്ലം-നിസാമബാദ്, കൊല്ലം-കക്കിനട, െകാല്ലം-നര്സാപ്പൂര്, െകാല്ലം-മച്ചിലിപ്പട്ടണം, കൊല്ലം-വിജയവാഡ, കൊല്ലം-സെക്കന്തരാബാദ്, െകാല്ലം-തിരുപ്പതി, െകാല്ലം-വിശാഖപട്ടണം തുടങ്ങിയ സെക്ടറുകളിലാണ് അധിക ശബരി സർവിസുകൾ. ചെന്നൈ സെൻട്രൽ, എഗ്മോർ സ്റ്റേഷനുകളിൽനിന്നുള്ള സ്പെഷൽ ട്രെയിനുകൾ കഴിഞ്ഞദിവസം പ്രഖ്യാപിച്ചിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.