പത്തനംതിട്ട: ലണ്ടനിലെ ലൗട്ടൺ പട്ടണത്തിലെ മേയറായി പത്തനംതിട്ട സ്വദേശി ചുമതലയേൽക്കുന്നു. ബുധനാഴ്ച ചേരുന്ന 22 അംഗ കൗൺസിലിൽനിന്നാണ് പത്തനംതിട്ട വയലത്തല സ്വദേശിയായ പള്ളിക്കൽ ഫിലിപ്പ് എബ്രഹാം തെരഞ്ഞെടുക്കപ്പെടുന്നത്. ഒരുവർഷമായി െഡപ്യൂട്ടി മേയറായും അഞ്ചു വർഷമായി കൗൺസിൽ അംഗമായും പ്രവർത്തിക്കുകയായിരുന്നു ഇദ്ദേഹം. നിലവിൽ മേയറായ കാരൽ ഡേവിസ് ഒഴിയുന്ന സ്ഥാനത്തേക്കാണ് െഡപ്യൂട്ടി മേയറായ ഫിലിപ്പ് എബ്രഹാം എത്തുന്നത്. 1972ൽ ലണ്ടനിൽ എൻജിനീയറിങ് ഉപരിപഠത്തിനു എത്തിയ അദ്ദേഹം ഇപ്പോൾ ലണ്ടനിലെ മലയാള വാർത്തമാധ്യമരംഗത്തും പൊതുപ്രവർത്തനത്തിനും സജീവമാണ്. 25 വർഷമായി ലണ്ടനിൽനിന്ന് പ്രസിദ്ധീകരിക്കുന്ന ‘കേരള ലിങ്ക്’ എന്ന പത്രം ഇദ്ദേഹത്തിെൻറ ഉടമസ്ഥതയിലാണ്. 22 അംഗ കൗൺസിലിൽ ലൗട്ടൺ െറസിഡൻഷ്യൽ അസോസിയേഷെൻറ പ്രതിനിധിയായാണ് കൗൺസിലിൽ എത്തിയത്. ലണ്ടനിൽനിന്ന് 100 കിലോമീറ്റർ ദൂരെയുള്ള എസാക്സ് പട്ടണത്തോടു ചേർന്നുകിടക്കുന്ന നഗരമാണ് ലൗട്ടൺ. വയലത്തല കുഴിയംമണ്ണിൽ പള്ളിക്കൽ പരേതരായ പി.പി. എബ്രഹാമിെൻറയും കുഞ്ഞൂഞ്ഞമ്മയുടെയും മകനും മുൻ ചെറുകോൽ ഗ്രാമപഞ്ചായത്ത് വൈസ് പ്രസിഡൻറ് സുനിൽ പള്ളിക്കലിെൻറ സഹോദരനുമാണ് ഫിലിപ്പ് എബ്രഹാം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.