കോട്ടയം: തമിഴ്നാട് സ്വദേശിയായ ഹോട്ടൽ തൊഴിലാളിയെ മൂന്നുനില കെട്ടിടത്തിന് മുകളിൽനിന്ന് വീണു മരിച്ചനിലയിൽ കണ്ടെത്തി. തമിഴ്നാട് തിരുനൽവേലി സ്വദേശി മുത്തുവാണ് (40) മരിച്ചത്. വ്യാഴാഴ്ച രാവിലെ സമീപവാസികളാണ് മൃതദേഹം കണ്ടത്. വടവാതൂർ കവലയിലെ ബിൽഗ ഹോട്ടൽ കെട്ടിടത്തിനുമുകളിലെവാട്ടർ ടാങ്കിൽനിന്ന് വെള്ളമെടുക്കാൻ കയറിയപ്പോൾ കാലുതെന്നി വീണതാകാമെന്ന് കരുതുന്നതായി പാമ്പാടി സി.ഐ സാജു വർഗീസ് പറഞ്ഞു. ഇയാളുടെ ചെരിപ്പ് മുകളിലെ നിലയിൽ കണ്ടെത്തിയിട്ടുണ്ട്. ഹോട്ടലിലെ പൊറോട്ട ഉണ്ടാക്കുന്ന തൊഴിലാളിയായിരുന്നു. മൃതദേഹം മെഡിക്കൽ കോളജ് ആശുപത്രിയിലേക്ക് മാറ്റി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.