ബി.ജെ.പി നേതാക്കള് പണം വാങ്ങിയെന്ന ആക്ഷേപം: വിജിലന്സ് അന്വേഷിക്കണം -വൈക്കം വിശ്വൻ കോട്ടയം: സ്വകാര്യ മെഡിക്കല് കോളജിന് മെഡിക്കൽ കൗൺസിലിെൻറ അംഗീകാരം വാഗ്ദാനം ചെയ്ത് ബി.ജെ.പി നേതാക്കള് പണം വാങ്ങിയെന്ന ആക്ഷേപം വിജിലന്സ് അന്വേഷിക്കണമെന്ന് എൽ.ഡി.എഫ് കണ്വീനര് വൈക്കം വിശ്വൻ. ഇതിൽ കേസ് രജിസ്റ്റർ ചെയ്ത് അന്വേഷണം നടത്തണമെന്ന് സര്ക്കാറിനോട് ശിപാര്ശ ചെയ്യുമെന്നും അദ്ദേഹം വാർത്തസമ്മേളനത്തിൽ പറഞ്ഞു. ഇപ്പോള് പേര് പുറത്തുവന്ന നേതാക്കള്ക്ക് പുറമെ ബി.ജെ.പിയുടെ മറ്റ് നേതാക്കള്ക്കും സംഭവത്തില് പങ്കുണ്ടെന്നും അദ്ദേഹം ആരോപിച്ചു. അഴിമതി വിരുദ്ധ പ്രചാരണം നടത്തി ജനങ്ങളെ കബളിപ്പിച്ച ബി.ജി.പിയുടെ തനിനിറം ഇതോടെ പുറത്തായിരിക്കുകയാണ്. ആരോപണ വിധേയനായ എം.ടി. രമേശ് ഇപ്പോൾ വീണടത്തുകിടന്ന് ഉരുളുകയാണ്. ഇക്കാര്യത്തില് ബി.ജെ.പി നേതൃത്വത്തിൻറ മൗനവും സംശയം ബലപ്പെടുത്തുന്നു. കേന്ദ്രഭരണത്തിെൻറ മറവില് രാജ്യ വ്യാപകമായി ബി.ജെ.പി നടത്തുന്ന അഴിമതിയുടെ ഒരംശം മാത്രമാണ് ഇപ്പോള് പുറത്തുവന്നിരിക്കുന്നതെന്നും അദ്ദേഹം പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.