തൊടുപുഴ: റായ്പൂരില് നടന്ന ഫെന്സിങ് അസോസിയേഷന് ഓഫ് ഇന്ത്യ ഭാരവാഹികളുടെ തെരഞ്ഞെടുപ്പില് കേരള ഫെന്സിങ് അസോസിയേഷനില്നിന്നുള്ള പി. മോഹന്ദാസ് സീനിയര് വൈസ് പ്രസിഡൻറായും എം.എസ്. പവനന് ജോയൻറ് സെക്രട്ടറിയായും തെരഞ്ഞെടുക്കപ്പെട്ടു. കേരള ഫെന്സിങ് അസോസിയേഷന് സെക്രട്ടറികൂടിയാണ് പവനന്. മോഹന്ദാസ് ഫെഡറേഷെൻറ നിലവിലെ വൈസ് പ്രസിഡൻറും കേരള ഒളിമ്പിക് അസോസിയേഷന് ട്രഷററുമാണ്. കേരള ഫെന്സിങ് അസോസിയേഷന് അഖിലേന്ത്യതലത്തില് പ്രധാനപ്പെട്ട രണ്ട് ഭാരവാഹികളെ ലഭിക്കുന്നത് ആദ്യമായാണ്. ഇന്ത്യന് ഒളിമ്പിക് അസോസിയേഷന് ജനറല് സെക്രട്ടറി രാജീവ് മേത്തയാണ് (ഉത്തര്പ്രദേശ്) പുതിയ പ്രസിഡൻറ്. ഛത്തിസ്ഗഢ് ഫെന്സിങ് അസോസിയേഷന് സെക്രട്ടറി ബഷീര് അഹമ്മദ് ഖാന് സെക്രട്ടറി ജനറലായും മഹാരാഷ്ട്ര ഫെന്സിങ് അസോസിയേഷന് സെക്രട്ടറി അശോക് ദുധാരെ ട്രഷററായും സഞ്ജയ് പ്രധാന് (ഉത്തര്പ്രദേശ്) ചീഫ് എക്സിക്യൂട്ടിവ് ഒാഫിസറായും തെരഞ്ഞെടുക്കപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.