പത്തനംതിട്ട: ചിങ്ങമാസ പൂജകൾക്ക് ശബരിമല ക്ഷേത്രം ഇൗ മാസം 16ന് വൈകീട്ട് അഞ്ചിന് തുറന്ന് 21ന് രാത്രി 10ന് അടക്കും. ചിങ്ങം ഒന്നുമുതൽ അഞ്ചുവരെ പതിവ് പൂജകൾക്ക് പുറമെ വിശേഷാൽ പൂജകളായ പടിപൂജയും ഉദയാസ്തമന പൂജയുമുണ്ടാകും. അഞ്ചുദിവസവും നെയ്യഭിഷേകം, പുഷ്പാഭിഷേകം, അഷ്ടാഭിഷേകം, കളഭാഭിഷേകം, കലശാഭിഷേകം എന്നിവ നടത്താവുന്നതാണ്. ചിങ്ങമാസ പൂജകൾ പൂർത്തിയാക്കി 21ന് രാത്രി 10ന് ഹരിവരാസനം പാടി നടയടച്ച് കഴിഞ്ഞാൽ പിന്നെ ഒാണപ്പൂജകൾക്കായി സെപ്റ്റംബർ രണ്ടിന് വൈകീട്ട് വീണ്ടും നട തുറക്കും. സെപ്റ്റംബർ മൂന്നുമുതൽ ആറുവരെയാണ് ഒാണപ്പൂജ. വി.എൻ. ചന്ദ്രശേഖരൻ ശബരിമല എക്സി. ഒാഫിസർ പത്തനംതിട്ട: ശബരിമല എക്സി. ഒാഫിസറായി വി.എൻ. ചന്ദ്രശേഖരൻ ചുമതലയേറ്റു. പത്തനംതിട്ട ഡെപ്യൂട്ടി ദേവസ്വം കമീഷണറായി സേവനമനുഷ്ഠിച്ചു വരവെയാണ് ശബരിമല എക്സി. ഒാഫിസറായി നിയോഗിച്ചത്. മഹേഷ് മോഹനര് ശബരിമല തന്ത്രി പത്തനംതിട്ട: കണ്ഠരര് മഹേഷ് മോഹനര് ശബരിമല തന്ത്രിയായി ഇൗ മാസം 16ന് സന്നിധാനത്തെത്തി ചുമതലയേൽക്കും. ചിങ്ങം ഒന്നുമുതൽ അടുത്ത ഒരുകൊല്ലത്തേക്കുള്ള താന്ത്രിക ചുമതല മഹേഷിനായിരിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.