ഗാന്ധിനഗർ (കോട്ടയം): നിർത്തിയിട്ടിരുന്ന ബസിൽ മറ്റൊരു ബസിടിച്ച് ഏഴുപേർക്ക് പരിക്ക്. വ്യാഴാഴ്ച രാവിലെ 10ന് മെഡിക്കൽ കോളജ് കുരിശുപള്ളി കവലയിലായിരുന്നു അപകടം. മെഡിക്കൽ കോളജ് സ്റ്റാൻഡിൽനിന്ന് കോട്ടയത്തിനു പോയ സ്വകാര്യ ബസ് കുരിശുപളളി കവലയിൽ നിർത്തിയിട്ടിരുന്ന ബസിെൻറ പിൻഭാഗത്ത് ഇടിക്കുകയായിരുന്നു. തിരുവല്ല നിരണം മുതലപ്പാട് ജയരാജ് (57), ഗാന്ധിനഗർ ആതിരപ്പള്ളി സുഭദ്രകുട്ടി (70), തിരുവല്ല പള്ളിപ്പറമ്പിൽ ജോസഫിെൻറ ഭാര്യ സുമ (42), കാവാലം പടിഞ്ഞാറേ പുളിങ്ങന തങ്കച്ചൻ (54), ഭാര്യ ലീലാമണി (50), കല്ലറ മാൻവെട്ടം അജിത് വുഡ്ക്രാഫ്റ്റ് ജീവനക്കാരൻ യോഗേന്ദ്ര ചൗഹാൻ (34), കോതനല്ലൂർ പുതുപ്പറമ്പിൽ സുമേഷിെൻറ ഭാര്യ ജസീന (33) എന്നിവർക്കാണ് പരിക്ക്. സീറ്റിൽ ഇരുന്നവരുടെ തലയും താടിയെല്ലും മൂക്കും സീറ്റ് കമ്പിയിൽ ചെന്നിടിച്ചാണ് പരിക്ക്. ആരുടെയും നില ഗുരുതരമല്ല. ഗാന്ധിനഗർ പൊലീസ് കേസെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.