കോട്ടയം: നഗരപരിധിയില് മദ്യപിച്ച് വാഹനമോടിച്ച അഞ്ച് സ്വകാര്യബസ് ഡ്രൈവര്മാര്ക്കെതിരെ പൊലീസ് കേസെടുത്തു. അമിതവേഗത്തില് പാഞ്ഞ എട്ടോളം സ്വകാര്യബസുകള് പിടികൂടി. ശാസ്ത്രിറോഡില് സ്വകാര്യബസ് സ്കൂട്ടറിലിടിച്ച് വനിതാസെല് സിവില് പൊലീസ് ഓഫിസര് ജെന്സി ഡാനിയേലിന്െറ മരണത്തെ തുടര്ന്ന് പൊലീസ് നടത്തിയ പരിശോധനയിലാണ് നടപടി. ബുധനാഴ്ച രാവിലെ മുതല് നാഗമ്പടം, കെ.കെ റോഡ്, തിരുനക്കര, ചന്തക്കവല, ശാസ്ത്രിറോഡ്, മാര്ക്കറ്റ് എന്നിവിടങ്ങളിലാണ് പരിശോധന നടത്തിയത്. ആറോളം സ്ഥലങ്ങള് കേന്ദ്രീകരിച്ച് നടത്തിയ പരിശോധനയില് 80 സ്വകാര്യബസുകള് പരിശോധക്ക് വിധേയമാക്കി. സ്വകാര്യബസുകളുടെ മത്സരയോട്ടവും വേഗവും നിയന്ത്രിച്ച് അപകടം കുറക്കുന്നതിന് ആവശ്യമായ കര്ശന നടപടിയെടുക്കുന്നതിന്െറ മുന്നോടിയായി നടത്തിയ വ്യാപകപരിശോധക്ക് വെസ്റ്റ് സി.ഐ ഗിരീഷ് പി. സാരഥി, ട്രാഫിക് എസ്.ഐ ജോസഫ് എന്നിവര് നേതൃത്വം നല്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.