കടയ്ക്കല്: നിലമേല് ഗ്രാമപഞ്ചായത്ത് പ്രസിഡന്റ് രാജിവെച്ചു. എല്.ഡി.എഫ് പിന്തുണയോടെ പ്രസിഡന്റുസ്ഥാനം വഹിച്ചിരുന്ന കോണ്ഗ്രസ് വിമതന് എ. മുഹമ്മദ് കുഞ്ഞാണ് ശനിയാഴ്ച രാജിവെച്ചത്. പ്രസിഡന്റിനെതിരെ കോണ്ഗ്രസ് അംഗങ്ങള് നല്കിയ അവിശ്വാസപ്രമേയം 11ന് ചര്ച്ചക്ക് എടുക്കുന്നതിന് മുമ്പാണ് രാജി. തദ്ദേശ തെരഞ്ഞെടുപ്പില് കോണ്ഗ്രസിന് എട്ടും എല്.ഡി.എഫിന് അഞ്ചും സീറ്റാണ് ലഭിച്ചത്. ഭരണം നിലനിര്ത്തിയ ഘട്ടം വന്നെങ്കിലും മുഹമ്മദ് കുഞ്ഞും മുന് പ്രസിഡന്റ് ഷെമീന പറമ്പിലും ഇടതുമുന്നണിക്കൊപ്പം ചേര്ന്നു. ഇതോടെ കോണ്ഗ്രസിന് ചടയമംഗലം മണ്ഡലത്തില് ഒരു പഞ്ചായത്തില് പോലും ഭരണമില്ലാതായി. ഇതിനിടെ, എല്.ഡി.എഫിനൊപ്പം ചേര്ന്ന ഷെമീന പറമ്പില് കോണ്ഗ്രസ് പാളയത്തിലേക്ക് മടങ്ങിയതോടെയാണ് അവിശ്വാസത്തിന് നോട്ടീസ് നല്കിയത്. പ്രമേയം വിജയിക്കുമെന്ന് ഉറപ്പായതോടെയാണ് രാജി. കോണ്ഗ്രസിലെ എ.എം. റാഫിയാകും പുതിയ പ്രസിഡന്റ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.