കൊച്ചി: പൗരത്വ ഭേദഗതി നിയമത്തിനെതിരെ മുഖ്യമന്ത്രിയുെടയും പ്രതിപക്ഷ നേതാവിൻെറയും നേതൃത്വത്തിൽ നടത്തുന്ന സംയുക്ത പ്രക്ഷോഭത്തെ സ്വാഗതം ചെയ്ത് പി.ഡി.പി സംസ്ഥാന സെക്രേട്ടറിയറ്റ്. പ്രതിഷേധത്തിന് പാർട്ടി ഐക്യദാർഢ്യം പ്രഖ്യാപിച്ചു. അതേസമയം, സംയുക്ത സമിതി 17ന് പ്രഖ്യാപിച്ച ഹർത്താലിൻെറ സംഘാടനത്തിലോ പ്രചാരണത്തിലോ പി.ഡി.പി പങ്കെടുക്കില്ല. ഹർത്താലിനോട് നയപരമായ വിയോജിപ്പ് പാർട്ടിക്കുള്ള സാഹചര്യത്തിലാണ് ഈ സമീപനം. എന്നാൽ, സ്വന്തം വാഹനങ്ങൾ നിരത്തിലിറക്കാതെയും സ്ഥാപനങ്ങൾ അടച്ചിട്ടും പ്രവർത്തകർ ഹർത്താലിനോട് സഹകരിക്കും. ബംഗളൂരുവിലെ ആശുപത്രിയിൽ ചികിത്സയിലുള്ള അബ്്ദുന്നാസിർ മഅ്ദനിയുടെ ആരോഗ്യനിലയിൽ പുരോഗതി ഉണ്ടെന്നും പാർട്ടി സെക്രേട്ടറിയറ്റിനുവേണ്ടി മുഹമ്മദ് റജീബ് പ്രസ്താവനയിൽ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.