പള്ളിക്കര: പോളിയോൾ പ്ലാൻറ് സ്ഥാപിക്കുന്നതിന് മുന്നോടിയായി 43,000 മരങ്ങൾ െവച്ചുപിടിപ്പിക്കുമെന്ന് ബി.പി.സി.എൽ കൊച്ചി റിഫൈനറി അധികൃതർ അറിയിച്ചു. ഫാക്ടിൻെറ അമ്പലമുകളിലെ 170 ഏക്കർ സ്ഥലമാണ് റിഫൈനറി പോളിയോൾ പ്ലാൻറിനായി ഏറ്റെടുത്തിരിക്കുന്നത്. പദ്ധതിക്കായി കാട്ടിനുള്ളിലെ 4,300 മരങ്ങൾ മുറിക്കാൻ കഴിഞ്ഞദിവസം ജില്ല പഞ്ചായത്ത് പ്രസിഡൻറിൻെറ നേതൃത്വത്തിലുള്ള ട്രീ കമ്മിറ്റി അനുമതി നൽകിയിരുന്നു. ഇതിന് പകരമായി 43,000 മരങ്ങൾ വെച്ചുപിടിപ്പിക്കാൻ കേന്ദ്ര പരിസ്ഥിതി മന്ത്രാലയമാണ് നിർദേശിച്ചത്. പരിസ്ഥിതി ആഘാത പഠനത്തിന് ശേഷമാണ് അംഗീകാരം ലഭിച്ചതെന്നും പദ്ധതിയുമായി മുന്നോട്ട് പോകുമെന്നും അധികൃതർ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.