മൂവാറ്റുപുഴ: കാവുങ്കര മേഖലയിലെ വോള്ട്ടേജ് ക്ഷാമത്തിന് പരിഹാരമായി ആസാദ് റോഡില് സ്ഥാപിച്ച പുതിയ ട്രാന്സ്ഫോർമര് ചാര്ജ് ചെയ്തു. ഇതോടെ കാവുങ്കര, മാര്ക്കറ്റ്, ആസാദ് റോഡ്, ആട്ടായം തുടങ്ങിയ പ്രദേശങ്ങളിലെ വോള്ട്ടേജ് ക്ഷാമത്തിന് പരിഹാരമായി. മൂവാറ്റുപുഴ നഗരസഭയിലെ കാവുങ്കര മേഖലയിലെ രൂക്ഷ വോള്ട്ടേജ് ക്ഷാമത്തിന് പരിഹാരമായി ട്രാന്സ്ഫോർമര് സ്ഥാപിക്കണമെന്ന ആവശ്യത്തിന് വര്ഷങ്ങളുടെ പഴക്കമുണ്ട്. നഗരസഭ ക്ഷേമകാര്യ സ്റ്റാൻഡിങ് കമ്മിറ്റി ചെയര്മാന് എം.എ. സഹീര് വൈദ്യുതി മന്ത്രിക്ക് നല്കിയ നിവേദനത്തെ തുടര്ന്നാണ് ആസാദ് റോഡില് പുതിയ 100 കെ.വി.എ ട്രാന്സ്ഫോർമര് അനുവദിച്ചത്. ട്രാന്സ്ഫോർമറിെൻറ ഉദ്ഘാടനം നഗരസഭ സ്റ്റാൻഡിങ് കമ്മിറ്റി ചെയര്മാന് എം.എ. സഹീര് നിര്വഹിച്ചു. നഗരസഭ കൗണ്സിലര് പി.വൈ. നൂറുദ്ദീന് അധ്യക്ഷത വഹിച്ചു. നഗരസഭ കൗണ്സിലര് സുമിഷ നൗഷാദ്, മജീദ് മങ്ങാടന്, ടി.എം. അഫ്സല്, നെജീര് ഉപ്പൂട്ടിങ്കല്, കെ. യൂസഫ്, പി.പി. മുസ്തഫാപിള്ള, നെജില ഷാജി, ടി.യു. സുൽഫി എന്നിവര് സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.